康乾盛世基本上可以話係清朝最興盛嘅時代，咁喺呢種盛世之下，君主都基本上好鍾意出巡，但到底點解同樣都係南巡六次，康熙六次出巡就被視為係明君嘅行為，而乾隆南巡嘅評價就相當負面呢？阿史今次就同大家講一講啦！
康熙在位六十一年就曾經南巡六次，而佢嘅目的地並唔係為咗享樂而去，而係每次都帶有明確嘅政治目的，除咗向北巡出塞外加強與蒙古聯絡之外，康熙向南出巡一係就係為咗拉攏江南士族，一係就係想巡視河工，去親嘅地方都係相當艱苦。
而且，由於每次出巡都需要耗費大量財力，深知呢一點嘅康熙就選擇一切輕車從簡，基本上唔會對沿途官民生產、生活造成太大影響。反觀乾隆即使國庫空虛仍然堅持出巡，每次出巡都會帶上過千侍衛沿途安營紮寨，官民為咗迎接乾隆又會提前築橋鋪路，呢種出巡嚟講真係嚴重影響民生。兩者比較之下，其實就可以睇得出康熙六次出巡行程都係為咗治理國家，而唔係單純享樂。
原圖嚟自網絡